randonnées

caminada al bram del cèrvi

Es un petit grop de 5 personas que partiguèron, sacs cargats sus l'esquina, pels penjals de Hòs (31) a la recèrca dels cèrvis. La pujada èra longa e après aver encontrat qualques caçaires d'isards, se retrobèron dins una cabana « cinq estèlas » per tal de se pausar e de passar la nuèit, a la broa dels bòsques. Defòra, los cèrvis bramavan, a tot perdre, juste aquí, de l'autre costat de la val. Mas impossible de los veire ! Aquò rai, la bona umor mancava pas dins la cabana, sustot que i aviá de qué beure e manjar.

L'endeman matin, la tropelada s'anèt passejar en dessús, per las estivas, abans de se'n davalar, per camins e pistas qu'èran plan longs e peiruts. Mas malgrat las dificultats de la progression, es dins la bona umor que lo grop arribèt a las autòs.